Дали воопшто знаете што значи да се ужива во животот? Дали животот е сега и веднаш? Дали и вас ве „меле“ секојдневната динамика во која трката по работа, пари, новото парче облека, новиот автомобил, стан итн.ве врти во круг во кој секојдневието е рутина?
Околу нас и во нас има се повеќе стрес, нетрпеливост, потценување, омаловажување, негирање…..
Излезете од кругот. Не гледајте го само сивилото. Има и други бои. На пример зелена, како дрвјата и тревата, или сина, како небото, или розева, црвена, портокалова, лилава како боите на цвеќињата и.т.н. А за да ја видитие природата околу вас, ние ве водиме на „настава во природа“. Повозрасните со нас ќе се потсетат на омилениот час од основно училиште, помладите ќе се здобијат со искуство плус, а сите заедно ќе ја осетиме природата.
Ќе го разбудиме детето во нас кое сака да истражува, да прашува, да се радува, да ужива учејќи и да се себеспознава. Ние ќе ви овозможиме во природна средина да зборувате за оние работи на кои се радувате, во кои уживате, коишто ви ја исполнуваат и осветлуваат душата, и чувствата. Ќе ви овозможиме од тие настани да понесете дел од себе и од оние чувства што ви будат пријатни сеќавања.