Стартувај, уживај, радувај се!
Во тебе е клучот!

Четврто издание! Како четири годишни времиња! И секое започнува токму во Долни Дисан. Таму е домот и на новото, четврто издание на Треил трката за ВИНО И ЉУБОВ. И овој пат ќе го одбележиме Св.Трифун и ќе наздравиме за бериќетна 2026 година и за многу љубов. Трката е на истата, позната патека со должина од речиси 8 километри. Содржината и натаму е малку натпревар, а многу уживање. Ова е нашиот начин, заедно со сите Вас, да бидеме дел од традицијата на закројувањето и започнувањето на годишните активности за лозовите насади,.

Ова е наш начин да дадеме свој придонес во промоција на винскиот крај на Долни Дисан и Неготино.

Трката има забавен карактер. Натпреварувањето претставува уживање во природата, а патеката е повеќе забава и помалку предизвик за успешно да се истрча или испешачи за да се стигне на целта, кадешто уживањето продолжува со забава на плоштадот во Долни Дисан.

Локација за старт и финиш: Плоштадот на Долни Дисан
Датум: 15.02.2026 (недела)
Подигање на стартните пакети: на денот на настанот од 09:00.
Почеток на трката: 10:30
Должина на патеката: 8 км
Окрепителни станици: 2
Времетраење на трката: максимум 2 часа.
Подарок за завршена трка

Учеснички пакет:

Стартен број со чип
Ваучер за дегустација
Ваучер за храна
Финишер медал
Онлајн диплома за учество
Фотографии
Подароци

Правила за трката:

Правила за трката:
1. Преземање на стартни пакети: 9:30 часот
2. Брифинг на учесниците и инструкции за трката 10:20
3. Стартот на трка е во 10:30 часот.
4. Сите учесници стартуваат одеднаш, освен во случај на поголем одзив и повеќе учесници, кога ќе направиме распоред со тргнување во два или три дела.
5. Мерењето на времето ќе биде електронско.
6. Секој учесник ќе биде ДОЛЖЕН да застане на секоја окрепителна станица.
7. Секој учесник треба ЗАДОЛЖИТЕЛНО да се послужи со најмалку 2 од понудените опции за дегустација – 1 пијалок и 1 парче храна.
8. На секоја станица ќе има СУДИЈА кој ќе става ознака со која ќе се потврдува дека учесникот ја исполнил својата обврска за дегустација
9. За да биде рангиран за една од наградите, СЕКОЈ УЧЕСНИК ПОТРЕБНО Е ДА ЗАСТАНЕ и да дегустира на секоја од окрепителните станици и да ги има ознаките од судиите со кои се потврдува тоа.
10. Учесник кој нема да застане, или нема да дегустира на окрепителните станици, нема да биде земен во предвид при конечното рангирање за доделување на наградите.
11. По пристигнувањето на целта секој учесник добива подарок и му се овозможува уживање со дегустација на вино и храна и на локални производи.
12. Победници со награда и диплома ќе бидат прогласени во следните категории:
- Девојчиња (до 14 год.)
- Момчиња (до 14 год.)
- Жени (генерален пласман)
- Мажи (генерален пласман)
- Сениорки (50+)
- Сениори (55+)
- Семејство (семејство се смета доколку се пријават за учество заедно 1 родител и 1 дете до 14 години)